العقاب والعواقب

لما ابنى يغلط... مش المفروض اعاقبه... بالضرب بالحرمان... الخ ؟ العواقب مطلوبة ولكن دون ايذاء بدنى او نفسى العقاب نفسه بالمفهوم بتاع الناس العادية (وانا ماحبش اسميه عقاب اصلا... تسمى عواقب ) له ميت شكل وطريقة وكلهم فيهم حنان قبل الحزم ومافيهمش اى ايذاء للطفل سيدنا محمد لما قالنا فى الحديث اضربوهم فى عشر ، هنا كان الضرب مشروط بسابق التوجيه لمدة 3 سنوات ومكرر بشكل يومى 5 مرات ( قمة فى الرحمة وقمة فى الحزم ) كمان الضرب نفسه له شروط واركان يعنى ما ينفعش نضرب الطفل على خده او رقبته او صدرة او اسفل منطقة الحزام كمان قوة الضرب له اشكال او حتى وقت الضرب نفسه له سنن يعنى مينفعش تضربى وانتى متنرفزة لازم تبقى فى حالة سلام نفسى علشان تبقى متحكمة فى اعصابك ومتنتقميش من الطفل لو تفرغى غضبك فيه او بمعنى تانى ميكونش حجم العقاب اكبر بكتير من الخطأ نفسه حتى التوجيه او النصح نفسه مينفعش يبقى على الملأ لازم يكون بينك وبين ابنك مش صريخ وتخلى أمة لا اله الا الله تعرف ، فاكرين حديث الرسول لما قال ( ما بال أقوام .........) ولم يذكر الاسم رغم وجودهم أمامه ربنا سبحانه وتعالى قال فى كتابه الحكيم فيما معنى الأية ( (آتيناه رحمة من عندنا وعلمناه من لدنا علما......) سبق الرحمة على العلم لأننا أمة الأسلام أمة وسط لا عقاب بدون رحمة ولا حرية بدون مسئولية وعواقب وتربية الرسول عليه الصلاة والسلام لينا من خلال أساليبه التربوية الحكيمة اللى لازلنا لغاية اليوم بندرسها فى أكبر المؤسسات التربوية الأمريكية والى كان دايما بيراعى كافتين مهمين جدااااا وهو بيربى كان بيراعى الحزم والحنان مع بعض تعالو أفكركم بموقف من مواقفة التربوية الجميلة ، لما السيدة عائشة غارت من أم سلمة وكسرت لها الأناء الفخار الخاص بيها قدام الضيوف ( الصحابة ) والموقف ده بيعمله ولادنا كتير بكذا شكل عارفين الرسول عمل ايه .............؟ قال للصحابة ( غارت أمكم ................) يا الله إقرار حكيم بالمشاعر __ يعنى عرف وقدر مشاعرها لما قال غارت ، قمة فى الحنان احترامها بشكل فأئق الرجولة ______ لما قال أمكم ، مقالش المرأة وماقالش زوجتى وماقالش .....غير أمكم.... قمة فى التقدير ورفع المقام طبعا كان فيه حزم وكان فيه عقاب لما أخذ من السيدة عائشة الإناء بتاعها السليم واداه لأم سلمة وادى السيدة عائشة الأناء المكسور وقمة فى الثبات على الموقف لما اتكرر نفس الموقف من الطرفين وكان له نفس العقاب والتعليق يبقى الرسول كان بيعاقب بس عقابه مكنش فيه اى ايذاء بدنى او نفسى وفى نفس الوقت بيراعى الحزم مع الحنان عليه افضل الصلاة والسلام بردو لو راجعتكم قصة سيدنا ابراهيم أبو الأنبياء وتفكرتو فى كل مواقفه مع ابنائه هتلاقوها حكم تربوية لازم تدرس للأمهات وللأباء #صحة_الطفل_النفسية #التدريس_وحده_لا_يكفى #تربية_إيجابية #الأم_المعلمة #مروة_بكر #مشوار_أمومة