7 اسباب تجعل طفلك سعيد ---- مدرسة3 ساعات ---- miss academy

في















مقال رقم : 8 

ايه هى اسباب سعادة الأطفال ...؟


السعادة عامة عبارة عن احساس داخلى بيعيش الأنسان فى حالة نفسية ومووود جميييل
بالنسبة للطفل بيعبر عن حالته النفسية دى من خلال ملامحة او حركاته وتعاملته مع المحيط اللى حوليه

طيب فيه 7️⃣️ اسباب ممكن تخلى الطفل يعيش فى حالة من السعادة زى ايه
تعالو نعرف سوا 

رقم واحد :

انه يحس بالقدرة على الأنجاز زى مثلا لما يحط المكعبات ورا بعضها او يركب بازل صور ، ده بيخليه يحس بلذة النصر مش بس كده ده بيحسسه بالقدرة والقوة وكمان الثقة بالنفس 

رقم 2 :

ان الطفل يحس ويشعر بالاستقلالية زى لما يتخذ قرار بنفسه او بيشارك الأب والأم برأيه او انه يضع لمسته على تغيير فى موضوع معين تم طرحه من قبل الأب او الأم
النقطة دى بترفع معنويات الطفل جامد وبيشعره بالسعادة

رقم 3 :

لما الطفل يقدر يعتمد على نفسه فى شئ حتى لو كان بسيط من وجهة نظرك زى انه يسوق العجلة بتاعته من غير مساعدة حد بيحس ساعتها بنشوة الأنتصار والتحدى مع نفسه لأنه حس انه اعتمد على نفسه
ده كفيل انه يحس بالسعادة

رقم 4 :

اى ام بتتمنى تشوف ابنها سعيد كذلك اى طفل بيتمنى انه يشوف اللى حوليه بيقدرو انجازاته ويدولو فرصة علشان يعتمد على نفسه وكمان يعترفو بقدراته اوينصتو لكلامه ويتواصلو معاه نفسيا وعاطفيا ..............ده اكبر حالات تبنى طفل سعيد

رقم 5 :

من اسباب السعادة ان الطفل يحس انه محترم يعنى يكون فى تأدب فى الكلام معاه وان الناس تستشيره فى الحاجات اللى تخصة ا او انه يختار اللعبة اللى عايزها او الأكل اللى بيحبه او لون اللبس اللى بيحبه 

رقم 6:

لما ابنك يعمل مجهود فى حاجة معينة (حتى لو كانت بالنسبة لك بسيطة او هايفة )لازم تقدريها وتشكريه كمان ........الكلام ده بيقوى عنده الشعور بالسعادة وبينمى الصفات الأيجابية عنده زى الأعتماد على الذات وطموح علشان يحقق انجازات والنجاح والتفوق والأستقلاليه

رقم 7 :

مش كفايا خالص انك كأم تكونى بتحبى ابنك ، لازم تعبرى عن المحبة دى من خلال اللمسات ويفضل ان تكون خمس لمسات ما بين الجبين والخد والشعر والكتف والظهر واليد لأنها تعطى رسائل ايجابية للطفل
الأحضان والبوس والكلام الطيب والمداعبة والأحتكاك ...............كلها رسائل محبة بيستقبلها الطفل وبتدخل الفرح والسعاده على قلبه

miss_academy# *أطلب استشارتك التربوية ( التعليمية ) مجانا*

للتواصل :
miss academy :
0235838355
01118001488
01003665098



تعليقات

إرسال تعليق