Ⓜiss 
🅰cademy
مقال رقم : 1
المذاكرة وسنينها
كل سنة فى نفس الميعاد ....بتبدأ دوامة الدراسة
وكل أم بتتعب قبل ابنها فى الفترة دى
طب ما تيجى نعد العدة للدوامة دى .....اقصد للفترة دى
تعالو نغير اسلوبنا ....علشان نخليها من احلى الفترات فى السنة بدل ماهى .......
😏
😏
طيب هنعمل ايه..?
تعالو ونشوف ادارة الاكاديمية هتقولنا ايه ...?
احم احم
الروتين الروتين الروتين
من اهم الحاجات اللى بتقلب موازين الفترة الدراسية وبتخليها لذيذة
((((((((( اسلوب الروتين )))))))))))
الروتين هو نظام ثابت ومحدد وواضح
بيساعد الطفل فى انه يكون منظم ومنجز للمهام المطلوبة منه
__________________________
.....لازم تعرفى بعض النقاط اللى هتساعدك تخليى الورتين لذيذ وخفيف
1- فى تحديدك لنظام الروتين راعى اختلاف الأيام وترتيب المواعيد بحيث ميكونش واحد ،،،،، علشان تكسرى الملل
2- لازم تعرضى الروتين بشكل جذاب فى هيئة صورة ملونة وملفته فى احسن مكان عندك فى البيت
3- متبقيش زى ابلة الناظرة فى تطيبق الروتين لازم شوية مرونة ...
4- بلاش تصرخى علشان تنبهيهم لوقت المذاكرة جددى من اسلوبك يعنى مثلا اشترى صفارة واعلنى عن بداية الماتش او ووزعى الكرسات عليهم فى هيئة بوسطاجى بيوزع البوستا او حد فيكم يعمل دور المذيع اللى بيقدم فقرة ازاى تخلص واجبك بدون انزعاج او قلقل
5-كمان ممكن تحولى الشخصيات الموجودة فى الدروس لشخصيات تانية معروفة بالنسبة لأولادك او ممكن تخلى الطفل يقرأ الدرس بأصوات متغيرة ومختلفة تثير الضحك
6-ممكن نعمل مطبوعات او صور او جداول ملونة ونحط كل يوم معلومة طلعنا بيها من مذاكرة اليوم ....تفضل على مدار الأيام متعلقة امامهم
7-يمكن تحويل دروسك إلى مسرحيات قصيرة يمثلها مع اخواته وأصدقاءه في البيت أو المدرسة. مثلًا يمكن أن يمثل كل منهم شخصية تاريخية أو عنصر كيميائي ويتكلم عن الشخصية أو دور العنصر في التفاعل.
واخيرا بلاش تبقو زى " روز" في كرتون شركة المرعبين المحدودة تقوليلهم *على مكتبك وخلص التقارير يا شلبي*
🤓
🤓
تعليقات
إرسال تعليق