Ⓜiss 
🅰cademyمقال رقم : 9
#بسم_الله
#أكاديمية_معلمتى_MISS
كلنا عارفين قصة سيدنا ادم وحواء لما أكلو من الشجرة
قصة الشجرة ممكن نقول عليها اول قصة حدثت فى تاريخ البشرية اول حدث اسرى زوجى حصل فى العالم كمان اول خطأ بشرى يحدث فى التاريخاول نشاط اجتماعى يشترك فيه الزوجان معا
خلينا نقول انه اول قانون تربوى تأديبى للأنسان ...تعالو نعرف أكتر ..........
قصة الشجرة وماحدث فيها قصة معروفة للكل بس ايه هى الفوائد اللى ممكن نطلع بيها من القصة دى
فيه 10 فوائد لازم تتذاكر كويس من قبل الأب والأم
1- ان الأمر اللى كان موجه لسيدنا ادم كان واضح تماما
(وقلنا يا آدم اسكن أنت وزوجك الجنة ، وكلا منها رغدا حيث شئتما ولا تقربا هذه الشجرة)
2- تقديم البديل عند المنع ، يعنى لما تمنع حاجة عن اولادك لازم تراعى ان يكون فيه بديل
(وكلا منها رغدا حيث شئتما)
3- الحوار الهادىء وخاصة فى حالة الخطأ
لما الطفل يغلط بلاش عصبية او نرفزة انما الحل مع الحوار الهادئ واحنا الفترة الجاية هنرفع لكم فيديوهات تدريبة عن التحكم فى الغضب
(ونادهما ربهما ألم أنهكما عن تلكما الشجرة، وأقل لكما إن الشيطان لكما عدو مبين)
4- ادى فرصة لأبنائك حتى بعتذرو عن الخطأ بعد ما يفهموه
(قالا ربنا ظلمنا أنفسنا وإن لم تغفر لنا وترحمنا لنكونن من الخاسرين).
5- الأستماع والأنصات الجيد للطفل فى حالة اعتذاره وقبول الأعتذار كمان
(فتلقى آدم من ربه كلمات فتاب عليه إنه هو التواب الرحيم).
6-لازم نعرف من الطفل ايه هى اسباب الخطأ ...اذا ربما يكون عنده اسبا مش واضحة بالنسبة لك ...فتقدرى تدخلى لعقل الطفل من خلال كلامه وسماعك الجيد ليه
(فوسوس إليه الشيطان قال يا آدم هل أدلك على شجرة الخلد وملك لا يبلى)
7-ممكن يكون فيه تأديب بعد الأعتراف وده بيبقى دراجات ومنازل مش اى حدث ينفع له اى تأديب او عقاب ، لأنى من المؤمنين بفكرة ان الطفل يبغلط علشان يتعلم وخاصة اذا كان المرة الأولى اما فى حالة التكرار ممكن نتدرج من التنبيه للوم للتجاهل او التجنب ثم التأديب
(قال اهبطا منها جميعا).
8- بعد كده ممكن نتكلم عن المستقبل بعد الغلط اللى حصل ده واازىنحلوه لتجربة مفيده ممكن الطفل يستفيد منها مستقبلا وخاصة فى حالة تكرار الموقف امامه
(بعضكم لبعض عدو فإما يأتينكم مني هدي فمن اتبع هداي فلا يضل ولا يشقى).
هنا تحدث الله عن طاعه الرحمن وعصيان الشيطان
9- النقطة دى مهمة جداااااااااااااااا
ازاى نعلمهم مهارة التعامل مع اى دعاية كاذبة
دايما بتكلم مع اولادى عن المنتجات المضرة زى الشييبس واللبان والبيبس وقد ايه هى مجرد دعايا كاذبة ...بيجملو ويعرضو المنتجات بطريقة شيقة وملقته للنظر علشان الاطفال يشتروها وهى فى الأخر مضرة ليهم جداااا
كان فيه موقف حصل كده قدرا .اشترو كيك اللى بتتطع دى كذا قطة وتتحط مع الشاى ...المهم من كتر ما بيشتروها وبيحبوها فى مرة شلتها من غلافها الجميل وحطتها فى كيس عادى محدش ركز معاها وقعدت يومين ثلاثة فى الثلاجة وبعد كده ندهتهم وفهمتهم قد ايه الغلاف اللى بره كان بيغريهم علشان يكلوها
فى قصة الشجرة هنا استخدم الشيطان الدعاي الكاذبة لأدم وزوجته وتلاعب بعقلهم بس بعد كده انكشفت الحقيقة
(فأكلا منها فبدت لهما سوآتهما وطفقا يخصفان عليهما من ورق الجنة وعصى آدم ربه فغوى).
10-بعد كل اللى فات ده بسأل ولادى ايه اللى اتعلمتوه من الخطأ ده وهتستفيدو منه ازاى
سيدنا ادم اتعلم حاجات كتير منها :
ان النفس بتميل لاتباع الشهوات
وان مش كل المخلوقات صادقة وصالحة
وان الأنسان ممكن يظلم نفسه
وان الأنسان ممكن ينسى
هو ده قانون الشجرة اللى لازم نعتد بيه فى تربيتنا لأولادنا
ودايما لما بحكى القصة دى للأولاد بيسألونى السؤال ده
ليه ربنا مسامحش سيدنا ادم وحواء وسابهم فى الجنة وخلاص ؟؟
اجابتى اللى استمدتها من احد الشيوخ العظماء كانت كالتالى
ان ربنا خلق سيدنا ادم وحواء للخلافة على الأرض وتعميرها فى الأصل ولكن اللى حصل من القصة دى كان تدريب عملى ميدانى علشان نعرف ونتعلم ازاى اتعامل مع نفسى ومع الله ومع الشيطان وتكون القصة دى عبرة للناس بعد كده
اسفة للأطاله ..يارب تكونو استفدتم
تحياتى
مروة بكر
miss academy
*أطلب استشارتك التربوية ( التعليمية ) مجانا*
للتواصل :
miss academy :
0235838355
01118001488
01003665098
https://twitter.com/
https://www.instagram.com/
https://www.facebook.com/missinternationalacademy/
https://www.youtube.com/channel/UCYNyZPHRNNOFi_6BdlB5A_Q?view_as=subscriber
تعليقات
إرسال تعليق